'കാടറിയാൻ' ചെറുകുളമ്പ ഐ.കെ.ടിയിലെ സ്റ്റുഡന്റ് പോലീസ് കേഡറ്റുകൾ വനയാത്ര നടത്തി
ചെറുകുളമ്പ: 'കാട് അറിയുക' എന്ന സന്ദേശവുമായി ചെറുകുളമ്പ ഐ.കെ.ടി ഹയർ സെക്കണ്ടറി സ്കൂളിലെ സ്റ്റുഡന്റ് പോലീസ് കേഡറ്റുകൾ വനയാത്ര സംഘടിപ്പിച്ചു. കേഡറ്റുകളുടെ അവധിക്കാല ക്യാമ്പിന്റെ ഭാഗമായാണ് കരിങ്കല്ലത്താണി തൊടുകാപ്പ് എക്കോ ടൂറിസം കേന്ദ്രത്തിലേക്ക് പഠനയാത്ര നടത്തിയത്.
പ്രകൃതിയെ അടുത്തറിയുന്നതിനും ജൈവവൈവിധ്യത്തിന്റെ പ്രാധാന്യം മനസ്സിലാക്കുന്നതിനും വിദ്യാർത്ഥികൾക്ക് ഈ യാത്ര ഏറെ സഹായകമായി. വനസംരക്ഷണത്തെയും പ്രകൃതിയിലെ മാറ്റങ്ങളെയും കുറിച്ച് ബി.എഫ്.ഒ (BFO) സുബ്രഹ്മണ്യൻ കെ., സിന്ധീഖ് പി. എന്നിവർ വിദ്യാർത്ഥികൾക്ക് ക്ലാസുകളെടുത്തു.
വനയാത്രയ്ക്ക് സി.പി.ഒ (CPO) മുല്ലപ്പള്ളി ഇബ്രാഹീം, സിന്ധു പുളിക്കൽ എന്നിവർ നേതൃത്വം നൽകി. പ്രകൃതിയെ തൊട്ടറിഞ്ഞും വനവിഭവങ്ങളെക്കുറിച്ച് പഠിച്ചും നടത്തിയ യാത്ര വിദ്യാർത്ഥികൾക്ക് പുതിയൊരു അനുഭവമായി മാറി