മലപ്പുറം പോളിംഗിന് സജ്ജം: 36.2 ലക്ഷം വോട്ടർമാർ ബൂത്തിലേക്ക്
മലപ്പുറം: ജില്ലയിൽ നിയമസഭാ തിരഞ്ഞെടുപ്പിനുള്ള എല്ലാ ഒരുക്കങ്ങളും പൂർത്തിയായതായി ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ ഡോ. വിനയ് ഗോയൽ അറിയിച്ചു. ജില്ലാ പോലീസ് മേധാവി ചൈത്ര തെരേസ ജോണിനൊപ്പം നടത്തിയ വാർത്താ സമ്മേളനത്തിലാണ് അവസാനഘട്ട തയ്യാറെടുപ്പുകൾ വിശദീകരിച്ചത്.
നാളെ രാവിലെ 7 മണി മുതൽ വൈകീട്ട് 6 മണി വരെയാണ് വോട്ടെടുപ്പ്.
വോട്ടർമാരുടെ കണക്കുകൾ ഒറ്റനോട്ടത്തിൽ:ആകെ വോട്ടർമാർ: 36,32,210
പുരുഷന്മാർ: 18,19,198 | സ്ത്രീകൾ: 18,12,974 | ട്രാൻസ്ജെൻഡർ: 38
കന്നി വോട്ടർമാർ: 1,11,463
പ്രവാസി വോട്ടർമാർ: 41,962
ഭിന്നശേഷി വോട്ടർമാർ: 29,300
85 വയസ്സിനു മുകളിൽ: 14,168
പോളിങ് ബൂത്തുകൾ:ആകെ ബൂത്തുകൾ: 3,689
പിങ്ക് ബൂത്തുകൾ (വനിതകൾ നിയന്ത്രിക്കുന്നത്): 80
മാതൃകാ ബൂത്തുകൾ: 48
ഭിന്നശേഷി സൗഹൃദ ബൂത്തുകൾ: 3 (ഉദ്യോഗസ്ഥരും ഭിന്നശേഷിക്കാർ)
പ്രശ്നബാധിത ബൂത്തുകൾ: 43 (15 സ്ഥലങ്ങളിലായി)
സുരക്ഷാ സജ്ജീകരണങ്ങൾ:ജില്ലയിൽ സുഗമമായ വോട്ടെടുപ്പ് ഉറപ്പാക്കാൻ അതിശക്തമായ സുരക്ഷാ വലയമാണ് ഒരുക്കിയിരിക്കുന്നത്.
ആകെ സേനാംഗങ്ങൾ: 4,729
കേന്ദ്രസേന: 58 കമ്പനി. കൂടാതെ കർണാടക, തമിഴ്നാട് പോലീസ് വിഭാഗങ്ങളും കേരള എ.പി ബറ്റാലിയനും രംഗത്തുണ്ടാവും.
നിരീക്ഷണം: എല്ലാ ബൂത്തുകളിലും 100% വെബ്കാസ്റ്റിംഗ് സംവിധാനം. ചട്ടലംഘനങ്ങൾ കണ്ടെത്താൻ 17 ഡ്രോണുകളും നിരീക്ഷണത്തിനുണ്ടാകും.
പരിശോധനാ സംഘങ്ങൾ: 144 ഫ്ലയിംഗ് സ്ക്വാഡുകളും 144 സ്റ്റാറ്റിക് സർവൈലൻസ് ടീമുകളും സജീവം.
ഉദ്യോഗസ്ഥ വിന്യാസം:ആകെ പോളിങ് ഉദ്യോഗസ്ഥർ: 17,708 പേർ.
ഗതാഗതം: സാമഗ്രികളുടെ വിതരണത്തിനായി ജിപിഎസ് ഘടിപ്പിച്ച 1,258 വാഹനങ്ങൾ സജ്ജമാണ്.
വിതരണം: പോളിങ് സാമഗ്രികളുടെ വിതരണം നാളെ (ബുധൻ) അതത് വിതരണ കേന്ദ്രങ്ങളിൽ നടക്കും.
ലഹരിവേട്ടയും പിടിച്ചെടുക്കലുകളും:തിരഞ്ഞെടുപ്പ് പ്രഖ്യാപനത്തിന് ശേഷം ജില്ലയിൽ വിവിധ സ്ക്വാഡുകൾ നടത്തിയ പരിശോധനയിൽ വലിയ തോതിലുള്ള പിടിച്ചെടുക്കലുകൾ നടന്നു.
പണം: 2.25 കോടി രൂപ
മദ്യവും ലഹരിമരുന്നും: 9.5 ലക്ഷം രൂപയുടെ മദ്യവും 15.26 ലക്ഷം രൂപയുടെ ലഹരിവസ്തുക്കളും.
മറ്റ് വസ്തുക്കൾ: 4.35 കോടി രൂപ മൂല്യം വരുന്നവ.
സൈബർ സെൽ: വ്യാജ പ്രചരണങ്ങൾ നടത്തിയതിന് 16 കേസുകൾ രജിസ്റ്റർ ചെയ്തു.
ജനാധിപത്യത്തിന്റെ ഈ വലിയ ഉത്സവത്തിൽ എല്ലാ വോട്ടർമാരും പങ്കാളികളാകണമെന്നും സമാധാനപരമായി വോട്ടവകാശം വിനിയോഗിക്കണമെന്നും ജില്ലാ കളക്ടർ അഭ്യർത്ഥിച്ചു.