പ്രശസ്ത ചലച്ചിത്ര താരം സലിം കുമാർ അന്തരിച്ചു

മങ്കടയിൽ വാഹനാപകടം സിപിഐ നേതാവിന്റെ ഭാര്യയും മങ്കട ഗ്രാമപഞ്ചായത്ത് അംഗവുമായ നസീറ മരിച്ചു

മങ്കട: സിപിഐ മലപ്പുറം ജില്ലാ അസിസ്റ്റന്റ് സെക്രട്ടറിയും  ഗ്രാമപഞ്ചായത്ത്മുൻ മെമ്പറുമായ പി.ടി. ഷറഫുദ്ദീന്റെ ഭാര്യയും നിലവിൽ മങ്കട ഗ്രാമപഞ്ചായത്ത് അംഗവുമായ പൂന്തോട്ടത്തിൽ

 ചക്കു പറമ്പിൽ നസീറ (40) വാഹനാപകടത്തിൽ മരിച്ചു. കഴിഞ്ഞ പഞ്ചായത്ത് തെരഞ്ഞെടുപ്പിൽ വിജയിച്ച നസീറ അടുത്ത ദിവസങ്ങളിലാണ് ഗ്രാമപഞ്ചായത്ത് അംഗമായി അധികാരമേറ്റെടുത്തത്.

 ഇന്ന് കടന്നമണ്ണ പ്രദേശത്ത് നടന്ന വാഹനാപകടത്തെ തുടർന്ന് പരിക്കേറ്റ് ചികിത്സയിലിരിക്കെയാണ് നസീറ മരിച്ചതെന്ന് ആശുപത്രി രേഖകൾ വ്യക്തമാക്കുന്നു. സംഭവത്തെ തുടർന്ന് ഇവരെ ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

മങ്കട ഗ്രാമപഞ്ചായത്തിലെ സജീവ അംഗമായിരുന്ന നസീറയുടെ അപ്രതീക്ഷിത വിയോഗം രാഷ്ട്രീയ-സാമൂഹിക മേഖലകളിൽ വലിയ ദുഃഖം വിതച്ചിരിക്കുകയാണ്. അപകടത്തിന്റെ കൂടുതൽ വിവരങ്ങൾ ഇതുവരെ ലഭ്യമായിട്ടില്ല.

മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ തുടർനടപടികൾ പുരോഗമിക്കുകയാണ്.