തിരുവനന്തപുരം: 2026-ലെ നിയമസഭാ തിരഞ്ഞെടുപ്പിന് മുന്നോടിയായുള്ള വോട്ടർ പട്ടികയുടെ പ്രത്യേക തീവ്ര പുതുക്കൽ നടപടികൾ പുരോഗമിക്കുന്നു. വോട്ടർ പട്ടികയിൽ നിങ്ങളുടെ പേരും മറ്റ് വിവരങ്ങളും കൃത്യമാണോ എന്ന് പരിശോധിക്കേണ്ടത് അത്യാവശ്യമാണ്. സ്മാർട്ട് ഫോൺ വഴിയോ കമ്പ്യൂട്ടർ വഴിയോ വളരെ എളുപ്പത്തിൽ വോട്ടർമാർക്ക് സ്വന്തം വിവരങ്ങൾ പരിശോധിക്കാനും വോട്ടർ പട്ടിക ഡൗൺലോഡ് ചെയ്യാനും സാധിക്കും.
വോട്ടർ വിവരങ്ങൾ പരിശോധിക്കാൻ 3 വഴികൾ
ഔദ്യോഗിക പോർട്ടലായ electoralsearch.eci.gov.inസന്ദർശിച്ച് താഴെ പറയുന്ന രീതികളിൽ വിവരങ്ങൾ തേടാം:
- EPIC നമ്പർ വഴി: നിങ്ങളുടെ വോട്ടർ ഐഡി കാർഡിലെ തിരിച്ചറിയൽ നമ്പർ (EPIC Number) നൽകി സെർച്ച് ചെയ്യാം.
- വ്യക്തിഗത വിവരങ്ങൾ വഴി: പേര്, ബന്ധുവിന്റെ പേര്, ജനനത്തീയതി/വയസ്സ്, ലിംഗഭേദം, ജില്ല, നിയോജക മണ്ഡലം എന്നിവ നൽകി വോട്ടർ പട്ടികയിലെ വിവരം കണ്ടെത്താം.
- മൊബൈൽ നമ്പർ വഴി: വോട്ടർ പട്ടികയുമായി ബന്ധിപ്പിച്ചിട്ടുള്ള മൊബൈൽ നമ്പറിലേക്ക് വരുന്ന ഒടിപി (OTP) ഉപയോഗിച്ച് വിവരങ്ങൾ പരിശോധിക്കാം.
വോട്ടർ പട്ടിക (Electoral Roll) എങ്ങനെ ഡൗൺലോഡ് ചെയ്യാം?
കേരളത്തിലെ വോട്ടർ പട്ടികയുടെ ഫൈനൽ ലിസ്റ്റ് പിഡിഎഫ് (PDF) രൂപത്തിൽ ഡൗൺലോഡ് ചെയ്യാൻ ചീഫ് ഇലക്ടറൽ ഓഫീസറുടെ വെബ്സൈറ്റ് സന്ദർശിക്കുക.
- വെബ്സൈറ്റ്: www.ceo.kerala.gov.in
- നേരിട്ടുള്ള ലിങ്ക്: voters.eci.gov.in/download-eroll
ഡൗൺലോഡ് ചെയ്യേണ്ട ഘട്ടങ്ങൾ:
- വെബ്സൈറ്റിൽ പ്രവേശിച്ച് സംസ്ഥാനം (Kerala) തിരഞ്ഞെടുക്കുക.
- Year of Revision 2026 എന്ന് നൽകുക.
- നിങ്ങളുടെ ജില്ലയും നിയോജക മണ്ഡലവും തിരഞ്ഞെടുക്കുക.
- ഭാഷ (Malayalam) സെലക്ട് ചെയ്ത ശേഷം കാപ്ച കോഡ് നൽകി 'Download' ക്ലിക്ക് ചെയ്യുക.
ശ്രദ്ധിക്കുക: വരാനിരിക്കുന്ന തിരഞ്ഞെടുപ്പിന് മുൻപായി നിങ്ങളുടെ പേര്, വിലാസം, മണ്ഡലം എന്നിവ കൃത്യമാണെന്ന് ഉറപ്പുവരുത്തുക. എന്തെങ്കിലും മാറ്റങ്ങൾ ഉണ്ടെങ്കിൽ നിശ്ചിത സമയത്തിനകം തിരുത്തലുകൾ വരുത്തേണ്ടതാണ്.