കോഡൂർ: പി.വി. അബ്ദുൽ വഹാബ് എം.പി.യുടെ പ്രാദേശിക വികസന ഫണ്ട് ഉപയോഗിച്ച് കോൺക്രീറ്റ് ചെയ്ത താണിക്കൽ തൊഴുത്തും പിലാവ് പട്ടിക്കാട് റോഡും നാടിന് സമർപ്പിച്ചു. കോഡൂർ ഗ്രാമപഞ്ചായത്ത് വികസന സ്റ്റാൻ്റിംഗ് കമ്മിറ്റി ചെയർപേഴ്സൺ കെ.എം. സുബൈർ റോഡിന്റെ ഉദ്ഘാടന കർമ്മം നിർവ്വഹിച്ചു.
വാർഡ് മെമ്പർമാരായ സി.എച്ച്. മാരിയത്ത്, ഉല്ലാസ് മാനു എന്നിവർ ചടങ്ങിൽ സാന്നിധ്യമറിയിച്ചു. പ്രദേശത്തെ യാത്രാക്ലേശത്തിന് പരിഹാരമാകുന്ന രീതിയിലാണ് എം.പി. ഫണ്ട് ഉപയോഗിച്ച് റോഡിന്റെ നവീകരണ പ്രവർത്തനങ്ങൾ പൂർത്തിയാക്കിയത്. ചടങ്ങിൽ പ്രദേശത്തെ രാഷ്ട്രീയ-സാമൂഹിക രംഗത്തെ പ്രമുഖരും നാട്ടുകാരും പങ്കെടുത്തു.