കോഡൂർ: മലപ്പുറം നിയോജകമണ്ഡലം എം.എൽ.എ പി. ഉബൈദുള്ളയുടെ ആസ്തി വികസന ഫണ്ടിൽ നിന്നും 15 ലക്ഷം രൂപ ചെലവഴിച്ച് നിർമ്മാണം പൂർത്തിയാക്കിയ അറക്കൽപടി-കടമ്പോട് റോഡ് നാടിന് സമർപ്പിച്ചു. കോഡൂർ ഗ്രാമപഞ്ചായത്തിലെ അറക്കൽപടി വാർഡിൽ നടന്ന ചടങ്ങിൽ എം.എൽ.എ പി. ഉബൈദുള്ള ഉദ്ഘാടന കർമ്മം നിർവ്വഹിച്ചു.
പ്രദേശത്തെ യാത്രാക്ലേശത്തിന് പരിഹാരമാകുന്ന രീതിയിൽ മികച്ച നിലവാരത്തിലാണ് റോഡിന്റെ പണി പൂർത്തീകരിച്ചിരിക്കുന്നത്. കോഡൂർ ഗ്രാമപഞ്ചായത്ത് പ്രസിഡന്റ് സി.പി. ഷാജി ചടങ്ങിൽ അധ്യക്ഷത വഹിച്ചു.
പഞ്ചായത്ത് വികസന സ്റ്റാൻഡിങ് കമ്മിറ്റി ചെയർപേഴ്സൺ കെ.എം. സുബൈർ, അറക്കൽപടി വാർഡ് മെമ്പർ ഇ.കെ. ഷൗക്കത്തലി, ഒമ്പതാം വാർഡ് മെമ്പർ നജ്മ കിളിയെണ്ണി, മുൻ വാർഡ് മെമ്പർ ആസിയ കുന്നത്ത് എന്നിവർ ചടങ്ങിൽ സംബന്ധിച്ചു സംസാരിച്ചു.
പ്രദേശത്തെ വിവിധ ജനപ്രതിനിധികൾ, സാമൂഹിക-സാംസ്കാരിക സംഘടനാ പ്രതിനിധികൾ, നാട്ടുപ്രമുഖർ, പ്രദേശവാസികൾ തുടങ്ങിയവർ ചടങ്ങിൽ സംബന്ധിച്ചു