പ്രശസ്ത ചലച്ചിത്ര താരം സലിം കുമാർ അന്തരിച്ചു

ഇറാൻ പരമോന്നത നേതാവ് ആയത്തുല്ല അലി ഖാംനഈ കൊല്ലപ്പെട്ടു; സ്ഥിരീകരിച്ച് ഇറാനിയൻ ടിവി.

തെഹ്‌റാൻ: ഇറാൻ്റെ പരമോന്നത ആത്മീയ നേതാവ് ആയത്തുല്ല അലി ഖാംനഈ (84) വധിക്കപ്പെട്ട വിവരം ഇറാനിയൻ ഔദ്യോഗിക ടെലിവിഷൻ സ്ഥിരീകരിച്ചു. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും മുൻ അമേരിക്കൻ പ്രസിഡന്റ് ഡൊണാൾഡ് ട്രംപും നേരത്തെ ഈ വാർത്ത പുറത്തുവിട്ടിരുന്നെങ്കിലും ഇറാൻ ആദ്യം ഇത് നിഷേധിച്ചിരുന്നു. എന്നാൽ ഒടുവിൽ രാജ്യം ഔദ്യോഗികമായി ഈ രക്തസാക്ഷിത്വം സ്ഥിരീകരിക്കുകയായിരുന്നു.

ഖാംനഈക്കൊപ്പം അദ്ദേഹത്തിൻ്റെ മകൾ, മകളുടെ ഭർത്താവ്, പേരമകൾ, അവരുടെ ഭർത്താവ് എന്നിവരും കൊല്ലപ്പെട്ടതായി ഇറാൻ വാർത്താ ഏജൻസികൾ റിപ്പോർട്ട് ചെയ്തു. ഇറാനെ സംബന്ധിച്ചിടത്തോളം വലിയൊരു ആഘാതമാണ് ഖാംനഈയുടെ വിയോഗം. 1989 മുതൽ രാജ്യത്തെ നയിച്ചിരുന്ന അദ്ദേഹം, ഇറാന്റെ ആഭ്യന്തരവും വിദേശവുമായ നയരൂപീകരണത്തിൽ നിർണ്ണായക പങ്കുവഹിച്ചിരുന്ന നേതാവായിരുന്നു.

പ്രതികാരം ചെയ്യുമെന്ന് ഇറാൻ:

തങ്ങളുടെ പ്രിയപ്പെട്ട നേതാവിൻ്റെ വധത്തിന് കടുത്ത രീതിയിൽ പ്രതികാരം ചെയ്യുമെന്ന് ഇറാൻ വ്യക്തമാക്കിയിട്ടുണ്ട്. അമേരിക്കൻ സൈനിക താവളങ്ങൾക്കും ഇസ്രായേൽ കേന്ദ്രങ്ങൾക്കും നേരെ ദീർഘദൂര ബാലിസ്റ്റിക് മിസൈലുകൾ ഉപയോഗിച്ച് ശക്തമായ തിരിച്ചടി നൽകാനാണ് ഇറാന്റെ നീക്കം. നിലവിൽ ടെൽ അവീവ്, ഹൈഫ തുടങ്ങിയ നഗരങ്ങളിൽ ഇറാൻ നടത്തിയ മിസൈൽ ആക്രമണങ്ങളിൽ ആറുപേർ കൊല്ലപ്പെടുകയും നൂറിലധികം പേർക്ക് പരിക്കേൽക്കുകയും ചെയ്തതായി റിപ്പോർട്ടുകളുണ്ട്.

മേഖലയിൽ യുദ്ധഭീതി:

ഖാംനഈയുടെ വധത്തോടെ മിഡിൽ ഈസ്റ്റിൽ യുദ്ധസാഹചര്യം അതീവ സങ്കീർണ്ണമായിരിക്കുകയാണ്. ഖത്തർ, ബഹ്‌റൈൻ, യുഎഇ തുടങ്ങിയ ഗൾഫ് രാജ്യങ്ങൾക്ക് നേരെയും കഴിഞ്ഞ രാത്രികളിൽ ആക്രമണങ്ങൾ നടന്നതായി റിപ്പോർട്ടുകളുണ്ട്. ഇതിനിടെ, ഏത് സാഹചര്യത്തെയും നേരിടാൻ രാജ്യം സജ്ജമാണെന്ന് ഇസ്രായേൽ പ്രതിരോധ മന്ത്രി വ്യക്തമാക്കി. ഖാംനഈയുടെ വിയോഗം സൃഷ്ടിച്ച ശൂന്യത നികത്താൻ പ്രാപ്തിയുള്ള രണ്ടാം നിര നേതൃത്വം ഇറാനുണ്ടെന്നും രാജ്യം പതറില്ലെന്നും ഇറാനിയൻ അധികൃതർ അറിയിച്ചു.