കോഡൂർ വില്ലേജ് ഡിജിറ്റൽ സർവേ: സംശയനിവാരണത്തിനായി 'സർവേ സഭ' ശനിയാഴ്ച
കോഡൂർ: വില്ലേജ് പരിധിയിൽ ഡിജിറ്റൽ സർവേ നടപടികൾ ആരംഭിക്കുന്നതിന്റെ ഭാഗമായി പൊതുജനങ്ങൾക്ക് അവബോധം നൽകുന്നതിനായി 'സർവേ സഭ' സംഘടിപ്പിക്കുന്നു. കൈവശഭൂമികൾ അളന്നു തിട്ടപ്പെടുത്തി ഡിജിറ്റൽ റിക്കാർഡുകൾ തയ്യാറാക്കുന്നതോടെ ഭൂമി സംബന്ധമായ എല്ലാ ഇടപാടുകളും ഇനി മുതൽ ഡിജിറ്റൽ പ്ലാറ്റ്ഫോമിലേക്ക് മാറുകയാണ്.
ഡിജിറ്റൽ സർവേയുമായി ബന്ധപ്പെട്ട സംശയങ്ങൾ ദുരീകരിക്കുന്നതിനും വാർഡ് തല ജാഗ്രതാ സമിതി രൂപീകരിക്കുന്നതിനുമായാണ് യോഗം വിളിച്ചു ചേർത്തിരിക്കുന്നത്.
* തീയതി: 07/03/2026 (ശനിയാഴ്ച)
* സമയം: രാവിലെ 9.30 AM
* സ്ഥലം: PKMUP സ്കൂൾ, ആൽപ്പറ്റക്കുളമ്പ്
ഈ പരിപാടിയിൽ വാർഡിലെ മുഴുവൻ ജനങ്ങളും പങ്കെടുക്കണമെന്ന് വികസന സ്റ്റാൻഡിങ് കമ്മിറ്റി ചെയർപേഴ്സൺ കെ.എം. സുബൈർ അറിയിച്ചു.