ഉമ്മത്തൂർ പരുവമണ്ണ തൂക്കുപാലം റോഡ് ജനങ്ങൾക്കായി തുറന്നുകൊടുത്തു.
കോഡൂർ: കോഡൂർ ഗ്രാമപഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെടുത്തി റീ ടാറിങ് പൂർത്തിയാക്കിയ ഉമ്മത്തൂർ അഞ്ചാം വാർഡിലെ പരുവമണ്ണ തൂക്കുപാലം റോഡ് ഉദ്ഘാടനം ചെയ്തു. മൂന്ന് ലക്ഷം രൂപ ചെലവഴിച്ചാണ് റോഡിന്റെ നവീകരണ പ്രവൃത്തികൾ പൂർത്തിയാക്കിയത്.
കോഡൂർ ഗ്രാമപഞ്ചായത്ത് പ്രസിഡന്റ് സി.പി ഷാജി ഉദ്ഘാടന കർമ്മം നിർവഹിച്ചു. പ്രദേശത്തെ യാത്രാസൗകര്യം മെച്ചപ്പെടുത്തുന്നതിന്റെ ഭാഗമായി നടപ്പിലാക്കിയ ഈ പദ്ധതി നാട്ടുകാർക്ക് വലിയ ആശ്വാസമാകും. ചടങ്ങിൽ അഞ്ചാം വാർഡ് മെമ്പർ പി.കെ ആബിദ, ഏഴാം വാർഡ് മെമ്പർ തറയിൽ ഹഫ്സത്ത്, മുൻ മെമ്പർ ശിഹാബ് അരിക്കത്ത് എന്നിവരും പ്രദേശവാസികളും പങ്കെടുത്തു.
ഈ റോഡ് പദ്ധതി യാഥാർത്ഥ്യമാക്കാൻ പ്രയത്നിച്ച മുൻ അഞ്ചാം വാർഡ് മെമ്പർ മുഹമ്മദലി മങ്കരത്തൊടിയെയും, നിലവിലെ മെമ്പർ പി.കെ ആബിദയെയും ചടങ്ങിൽ അഭിനന്ദിച്ചു.