മലപ്പുറം: എസ്.കെ.എസ്.എസ്.എഫ് (SKSSF) സംസ്ഥാന കമ്മിറ്റിക്ക് കീഴിൽ പ്രവർത്തിക്കുന്ന സഹചാരി റിലീഫ് സെല്ലിന്റെ പ്രവർത്തനങ്ങളിൽ വലിയാട് യൂണിറ്റിന് തിളക്കമാർന്ന നേട്ടം. കാരുണ്യ പ്രവർത്തനങ്ങൾക്കായി 25,000 രൂപ സമാഹരിച്ചുകൊണ്ട് വലിയാട് (388) യൂണിറ്റ് 'സിൽവർ ക്ലബ്ബ്' പദവി കരസ്ഥമാക്കി.
"കരുണയുടെ നോട്ടം, കനിവിന്റെ സന്ദേശം" എന്ന ലക്ഷ്യത്തോടെ ആതുരസേവന രംഗത്ത് സജീവമായ സഹചാരി പദ്ധതിയിലേക്ക് വലിയാട് യൂണിറ്റ് നൽകിയ മികച്ച സംഭാവനയെ സംസ്ഥാന കമ്മിറ്റി അഭിനന്ദിച്ചു. സിൽവർ ക്ലബ്ബ് നേട്ടം കൈവരിച്ച യൂണിറ്റിന് പ്രത്യേക അഭിനന്ദന പോസ്റ്ററുകളും പുറത്തിറക്കി.
50,000 രൂപ സമാഹരിച്ച് അടുത്ത ലക്ഷ്യമായ 'ഗോൾഡ് ക്ലബ്ബ്' പദവിയിലേക്ക് ഉയരാനുള്ള തയ്യാറെടുപ്പിലാണ് യൂണിറ്റ് പ്രവർത്തകർ. സേവന പ്രവർത്തനങ്ങളിൽ പൊതുജനങ്ങൾക്ക് പങ്കാളികളാകാൻ SKSSF Sahchari എന്ന മൊബൈൽ ആപ്പ് വഴിയോ skssfsahachari.com എന്ന വെബ്സൈറ്റ് വഴിയോ സാധിക്കുമെന്ന് അധികൃതർ അറിയിച്ചു.