Top News

റോഡ് മുറിച്ച്‌ കടക്കുന്നതിനിടെ വാഹനമിടിച്ചു, മലപ്പുറം സ്വദേശി ഷാർജയിൽ മരിച്ചു

​ഷാർജ: പ്രവാസി മലയാളി യുഎഇയില്‍ വാഹനാപകടത്തില്‍ മരിച്ചു. മലപ്പുറം കട്ടുപ്പാറ സ്വദേശിയാണ് ഷാർജയിലെ ദൈദില്‍ വാഹനമിടിച്ച്‌ മരിച്ചത്.
​വളപ്പുപറമ്പത്ത് പുത്തൻവീട്ടില്‍ ഉണ്ണികൃഷ്ണനാണ് (64) മരിച്ചത്. അടുത്ത മാസം ജോലിയില്‍ നിന്ന് വിരമിക്കാനിരിക്കെയാണ് മരണം സംഭവിച്ചത്. ദൈദില്‍ റോഡ് മുറിച്ച്‌ കടക്കുന്നതിനിടെ വാഹനമിടിക്കുകയായിരുന്നു. ദൈദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.
​ഭാര്യ: ഗീത (അങ്കണവാടി വർക്കർ). മക്കള്‍: അരുണ്‍, അജയ്. മരുമകള്‍: ജിജി.


Previous Post Next Post