കോഡൂർ: ഭിന്നശേഷിക്കാരുടെ ഉന്നമനത്തിനായി പ്രവർത്തിക്കുന്ന സംഘടനയായ DAPL കോഡൂർ പഞ്ചായത്ത് സമ്മേളനം 2025 ഒക്ടോബർ 20-ന് (തിങ്കളാഴ്ച) നടക്കും. ചെമ്മക്കടവ് മൈലാഞ്ചി ഓഡിറ്റോറിയത്തിൽ വെച്ച് നടക്കുന്ന സമ്മേളനം DAPL സംസ്ഥാന പ്രസിഡന്റ് ബഷീർ മമ്പുറം ഉദ്ഘാടനം ചെയ്യും.
രാവിലെ 10 മണിക്ക് ആരംഭിക്കുന്ന സമ്മേളനം വൈകുന്നേരം 4 മണി വരെ നീണ്ടുനിൽക്കും. ഭിന്നശേഷിക്കാരുടെ അവകാശങ്ങൾ, ക്ഷേമപദ്ധതികൾ, സ്വയം തൊഴിൽ സാധ്യതകൾ, ജീവിത നൈപുണ്യ വികസനം തുടങ്ങിയ വിഷയങ്ങളെക്കുറിച്ചുള്ള ചർച്ചകൾ സമ്മേളനത്തിന്റെ ഭാഗമായി നടക്കും.
സമ്മേളനത്തിൽ പങ്കെടുക്കുന്ന പ്രമുഖ വ്യക്തിത്വങ്ങൾ:
മലയിൽ മുഹമ്മദ് ഗദ്ദാഫി (മലയിൽ ഗ്രൂപ്പ് ചെയർമാൻ)
സജ്‌ന ജാഫർ (DAPL മലപ്പുറം ജില്ല വനിതാ കമ്മിറ്റി പ്രസിഡന്റ്)
മുജീബ് ടി (CEO: IHRDH Life coach ), Dapl ജില്ലാ പ്രസിഡന്റ് മനാഫ് മേടപ്പിൽ, സെക്രട്ടറി ബഷീർ കൈനാടൻ, ട്രഷറർ അലി മുന്നിയൂർ, വനിതാ കമ്മറ്റി ഷമീമ കുളത്തൂർ, കോഡൂർ പഞ്ചായത്ത് പ്രസിഡന്റ് റാബിയ ചോലക്കൽ, മുസ്ലിം ലീഗ് ഭാരവാഹികളായ എൻ കുഞ്ഞീതു,സിപി ഷാജി, നാസർ കൊളക്കാട്ടിൽ എന്നിവർ പങ്കെടുക്കും
സംഘടനയുടെ പ്രാദേശിക നേതാക്കളും പ്രവർത്തകരും പൊതുജനങ്ങളും പരിപാടിയിൽ പങ്കുചേരും. പഞ്ചായത്ത് തലത്തിൽ ഭിന്നശേഷിക്കാർക്ക് പുതിയ ദിശാബോധം നൽകുന്ന സുപ്രധാന സമ്മേളനമായിരിക്കും ഇതെന്നും കൂടുതൽ പേർ പങ്കെടുക്കണമെന്നും സംഘാടക സമിതി അഭ്യർഥിച്ചു.