മെന്റലിസത്തിൽ ചരിത്രമെഴുതി: ചെങ്ങോട്ടൂർ സ്വദേശിനി ശഹ്ദ ഷെറിന് വേൾഡ് വൈഡ് ബുക്ക് ഓഫ് റെക്കോർഡ്
ചെങ്ങോട്ടൂർ: മലപ്പുറം ചെങ്ങോട്ടൂർ സ്വദേശിനിയായ ശഹ്ദ ഷെറിൻ കാട്ടിക്കുളങ്ങരയ്ക്ക് മെന്റലിസത്തിലെ പ്രകടനത്തിന് 'വേൾഡ് വൈഡ് ബുക്ക് ഓഫ് റെക്കോർഡ്' പുരസ്‌കാരം. എറണാകുളത്ത് നടന്ന ചടങ്ങിൽ വെച്ചാണ് പ്രമുഖ മെന്റലിസ്റ്റും മൈൻഡ് ഡിസൈനറുമായ ആർ.കെ. മലയത്തിൽ നിന്ന് ശഹ്ദ ഷെറിൻ സർട്ടിഫിക്കറ്റും മെഡലും ഏറ്റുവാങ്ങിയത്.
'മെന്റലിസം ഇലക്‌ട്രോണെസിസ് ഇല്യൂഷൻ എഫക്ട്' എന്ന മായാജാല വിദ്യയ്ക്കാണ് ശഹ്ദ ഷെറിൻ ഈ ലോക റെക്കോർഡ് സ്വന്തമാക്കിയത്.
ചെങ്ങോട്ടൂർ കാട്ടിക്കുളങ്ങരയിൽ അഷ്റഫിന്റെ മകളാണ് ശഹ്ദ ഷെറിൻ. പുളിയാട്ടുക്കുളം ഇക്ബാൽ അത്തിമണ്ണിൽ ആണ് ഭർത്താവ്.
പാത്ത്മിയ ഇന്റർനാഷണൽ ഹിപ്നോട്ടിസം & മെന്റലിസം അക്കാദമിയിലെ മെന്റലിസ്റ്റ് ശരീഫ് മാസ്റ്ററുടെ കീഴിലാണ് ശഹ്ദ പരിശീലനം പൂർത്തിയാക്കിയത്. കേരളത്തിന് അഭിമാനമായ ഈ നേട്ടം സമൂഹ മാധ്യമങ്ങളിലും ശ്രദ്ധ നേടുകയാണ്.