പൊന്മള: മാണൂർ പല്ലാണിപ്പറമ്പ് അങ്കണവാടിയിൽ പുതുവത്സരത്തിന്റെയും ക്രിസ്മസിന്റെയും ഭാഗമായി വർണ്ണാഭമായ ആഘോഷങ്ങൾ സംഘടിപ്പിച്ചു. കേക്ക് മുറിക്കൽ, പലഹാര വിതരണം, സാന്താക്ലോസിനെ വരവേൽക്കൽ തുടങ്ങിയ വൈവിധ്യമാർന്ന പരിപാടികൾ ആഘോഷത്തിന് മാറ്റുകൂട്ടി.
ഗ്രാമപഞ്ചായത്ത് മെമ്പർ ജലീൽ മാസ്റ്റർ പരിപാടിയുടെ ഉദ്ഘാടനം നിർവ്വഹിച്ചു. ചടങ്ങിൽ കെ.ടി. മുഹമ്മദ് കുട്ടി, കെ.ടി. അബ്ദുറഹ്മാൻ (നാണി), തക്ദീർ മാസ്റ്റർ പുഴക്കൽ, വിമല ടീച്ചർ എന്നിവർ ആശംസകൾ നേർന്നു.
അങ്കണവാടി ജീവനക്കാരി വിമല, രക്ഷിതാക്കളായ ഫഹ്മ ഷെറിൻ, ഫാത്തിമ ഫസ്ലി, ഷഹാന ഷെറി എന്നിവർ പരിപാടികൾക്ക് നേതൃത്വം നൽകുകയും സംസാരിക്കുകയും ചെയ്തു. കുട്ടികളും രക്ഷിതാക്കളും പങ്കെടുത്ത പരിപാടി പുതുവത്സര സന്ദേശങ്ങൾ കൈമാറിയാണ് സമാപിച്ചത്.