സംരംഭകത്വ ബോധവൽക്കരണ ശില്പശാല നാളെ കോഡൂരിൽ; ഒരുക്കങ്ങൾ പൂർത്തിയായി
കോഡൂർ: വ്യവസായ-വാണിജ്യ വകുപ്പിന്റെയും ഏറനാട് താലൂക്ക് വ്യവസായ ഓഫീസിന്റെയും സംയുക്ത ആഭിമുഖ്യത്തിൽ കോഡൂരിൽ സംരംഭകത്വ ബോധവൽക്കരണ ശില്പശാല സംഘടിപ്പിക്കുന്നു. പുതിയ സംരംഭങ്ങൾ തുടങ്ങാൻ ആഗ്രഹിക്കുന്നവർക്കും നിലവിലുള്ള സംരംഭകർക്കും വഴികാട്ടിയാവുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചിരിക്കുന്നത്.
2026 മാർച്ച് 3 ചൊവ്വാഴ്ച രാവിലെ 10 മണിക്ക് കോഡൂർ പഞ്ചായത്ത് ഹാളിൽ വെച്ചാണ് ശില്പശാല നടക്കുക. പരിപാടിയുടെ ഉദ്ഘാടനം കോഡൂർ പഞ്ചായത്ത് പ്രസിഡന്റ് ശ്രീ. സി.പി ഷാജി നിർവ്വഹിക്കും. പൊന്മള പഞ്ചായത്ത് പ്രസിഡന്റ് വി.എ റഹ്മാൻ ചടങ്ങിൽ അധ്യക്ഷത വഹിക്കും.
വിദഗ്ധർ നയിക്കുന്ന മൂന്ന് പ്രധാന സെഷനുകളാണ് ശില്പശാലയിൽ ഉൾപ്പെടുത്തിയിരിക്കുന്നത്:
ക്ലാസ്സ് 1: സംരംഭക സാധ്യതകളും വിപണന സാധ്യതകളും.
ക്ലാസ്സ് 2: വ്യവസായ വാണിജ്യ വകുപ്പ് പദ്ധതികൾ, സേവനങ്ങൾ, സബ്സിഡികൾ (നയിക്കുന്നത്: ശ്രീരാജ് എം, ഉപജില്ലാ വ്യവസായ ഓഫീസർ, ഏറനാട് താലൂക്ക്).
ക്ലാസ്സ് 3: PMFME സ്കീമിനെക്കുറിച്ച് മിഖ്ദാദ് കെ.ടി (DRP PMFME) സംസാരിക്കും.
സ്വന്തമായി ഒരു സംരംഭം തുടങ്ങാൻ ആഗ്രഹിക്കുന്നവർക്കും സർക്കാർ പദ്ധതികളെക്കുറിച്ച് കൂടുതൽ അറിയാൻ താല്പര്യമുള്ളവർക്കും ഈ ശില്പശാല പ്രയോജനപ്പെടുത്താവുന്നതാണ്.