മലപ്പുറം നഗരം പ്രകാശപൂരിതമാകും: സ്ട്രീറ്റ് ലൈറ്റ് പദ്ധതിയുടെ പ്രവൃത്തി ഉദ്ഘാടനം നാളെ പി. ഉബൈദുള്ള എം.എൽ.എ നിർവ്വഹിക്കും
മലപ്പുറം: മലപ്പുറം നഗരസൗന്ദര്യവൽക്കരണത്തിന്റെ ഭാഗമായുള്ള സ്ട്രീറ്റ് ലൈറ്റ് പദ്ധതിയുടെ പ്രവൃത്തി ഉദ്ഘാടനം നാളെ (മാർച്ച് 2, തിങ്കൾ) നടക്കും. രാവിലെ 10 മണിക്ക് സിവിൽ സ്റ്റേഷൻ പരിസരത്ത് നടക്കുന്ന ചടങ്ങിൽ ബഹുമാനപ്പെട്ട മലപ്പുറം എം.എൽ.എ ശ്രീ. പി. ഉബൈദുള്ള പദ്ധതിയുടെ ഔദ്യോഗിക ഉദ്ഘാടനം നിർവ്വഹിക്കും.
'മലപ്പുറം ടൗൺ ബ്യൂട്ടിഫിക്കേഷൻ സ്ട്രീറ്റ് ലൈറ്റ് പദ്ധതി' പ്രകാരം മച്ചിങ്ങൽ ബൈപ്പാസ് മുതൽ എം.എസ്.പി (MSP) പരിസരം വരെയുള്ള ഭാഗത്താണ് അത്യാധുനിക തെരുവ് വിളക്കുകൾ സ്ഥാപിക്കുന്നത്. നഗരത്തിന് പുതിയ ശോഭ പകരുന്നതിനൊപ്പം രാത്രികാല യാത്രക്കാരുടെ സുരക്ഷയും സൗകര്യവും വർദ്ധിപ്പിക്കുക എന്ന ലക്ഷ്യത്തോടെയാണ് ഈ പദ്ധതി നടപ്പിലാക്കുന്നത്.
സിവിൽ സ്റ്റേഷൻ പരിസരത്ത് നടക്കുന്ന പ്രൗഢഗംഭീരമായ ചടങ്ങിൽ ജനപ്രതിനിധികളും രാഷ്ട്രീയ-സാമൂഹിക രംഗത്തെ പ്രമുഖരും പങ്കെടുക്കും.