തിരഞ്ഞെടുക്കപ്പെട്ട അംഗങ്ങളിൽ ഏറ്റവും പ്രായം കൂടിയ അംഗം വരണാധികാരിക്ക് മുമ്പാകെ ആദ്യം സത്യപ്രതിജ്ഞ ചൊല്ലി അധികാരമേൽക്കും. തുടർന്ന് ഈ അംഗം മറ്റ് വാർഡ് മെമ്പർമാർക്ക് സത്യവാചകം ചൊല്ലിക്കൊടുക്കും.
സത്യപ്രതിജ്ഞാ ചടങ്ങുകൾക്ക് ശേഷം പഞ്ചായത്ത് ഭരണസാരഥികളെ നിശ്ചയിക്കുന്നതിനുള്ള നടപടികളിലേക്ക് കടക്കും. പ്രസിഡന്റ്, വൈസ് പ്രസിഡന്റ് തിരഞ്ഞെടുപ്പുകൾ ക്രിസ്മസ് അവധിക്ക് ശേഷം ഡിസംബർ 26, 27 തീയതികളിലായി നടക്കും. പുതിയ ഭരണസമിതിയുടെ സത്യപ്രതിജ്ഞാ ചടങ്ങിലേക്ക് നാട്ടുകാരെയും രാഷ്ട്രീയ പ്രവർത്തകരെയും സ്വാഗതം ചെയ്യുന്നതായി പഞ്ചായത്ത് അധികൃതർ അറിയിച്ചു.