കോഡൂർ: 2026-ലെ കുടുംബശ്രീ സി.ഡി.എസ് തിരഞ്ഞെടുപ്പിൽ കോഡൂർ ഗ്രാമപഞ്ചായത്തിൽ പുതിയ ഭാരവാഹികളെ തിരഞ്ഞെടുത്തു. സജ്ന മൻസൂർ സി.ഡി.എസ് ചെയർപേഴ്സണായും, സമീമത്തുന്നീസ പി വൈസ് ചെയർപേഴ്സണായും തിരഞ്ഞെടുക്കപ്പെട്ടു.
ഗ്രാമപഞ്ചായത്തിലെ കുടുംബശ്രീ പ്രവർത്തനങ്ങൾക്ക് വരും വർഷങ്ങളിൽ നേതൃത്വം നൽകുക ഈ പുതിയ ഭരണസമിതിയായിരിക്കും. സ്ത്രീശാക്തീകരണ രംഗത്തും പ്രാദേശിക വികസന പ്രവർത്തനങ്ങളിലും സജീവ സാന്നിധ്യമായ ഇരുവരുടെയും നേതൃത്വത്തിൽ മികച്ച പ്രവർത്തനങ്ങൾ കാഴ്ചവെക്കാൻ സാധിക്കുമെന്ന് പഞ്ചായത്ത് അധികൃതരും കുടുംബശ്രീ പ്രവർത്തകരും പ്രത്യാശ പ്രകടിപ്പിച്ചു.
വിജയികളായ സജ്ന മൻസൂറിനും സമീമത്തുന്നീസക്കും വിവിധ സംഘടനകളും നാട്ടുകാരും അഭിനന്ദനങ്ങൾ അറിയിച്ചു.